Lalaki a maladaga a nasarakan iti Building 2 ti Benguet Capitol, pimmusayen
Pimmusayen ti maladaga nga immunan a nasarakan nga awanan iti kawes ken lampin a naibati sangwanan ti Building 2 ti Benguet Provincial capitol idi Disyembre 6.
Segun iti doktor a nangasikaso iti nasao a maladaga, pimmusay daytoy gapu iti hepatic schock.
Kinunana nga intabon daytoy a mismo ti nakasarak kenkuana a ni Reymarie Velasco ken naipaayan metlaeng daytoy iti misa.
Maipalagip a nasarakan ni Velasco ti maladaga idi nakanggeg daytoy iti sangit ti ubing isut gapuna a bimmaba daytoy iti lugan tapnu birukenna.
Nakitada ti maladaga a nakadisso iti sangwanan ti pasdek nga awanan iti kawes ket nakakabit latta ti umbilical cord daytoy.
Naamuan nga agdagsen ti maladaga iti 1.63 kilograms ken mapapati a naipasngay kalpasan ti tallopulo ket uppat nga oras.
