--Ads--
BAGUIO CITY – Nadangran ti maysa lalaki kalpasan a nabagsol sadiay Padre Zamora, Baguio City.
Nabigbig daytoy a ni Carl Bryan Calasang Lopez, 24-anyos, tubo ti Zamboanga Del Norte, Dapitan City ken residente ti Padre Zamora, Baguio City.
Suspek iti insidente ni Miguelito Magpayo Gerilla, 54-anyos, tubo ti Metro Manila ken residente iti nadakamat a lugar.
Iti blotter ti pulisya, nag-iinom dagitoy idi killaat nga immasideg ti suspek iti biktima ken ditoy a binagsolna babaen iti kitchen knife nga awanan ti umno a rason.
Nadangran ti biktima ngem dagus a naitaray iti paggagasan nga iti agdama ket addan iti natalged a kasasaad.
Naipama met ti suspek ken ti inaramatna a patadem iti kustodia ti pulisya para iti panakaipila ti kaskenan a kaso.
