BAGUIO CITY – Nadangran ti maysa a lalaki kalpasan a naaksidente ti motorsiklona sadiay Zigzag, Camp 7, Kennon Riad, Baguio City idi kalman.
Nabigbig ti driver ti motorsiklo nga awanan ti plate number a ni Anthony Quiambao, 20-anyos bayat a ti back rider daytoy ket nabigbig a ni Aljen Quiambao, 19-anyos, self-employed, agpada dagitoy a residente ti San Fernando, Pampanga.
Maibasar iti imbestigasyon ti pulisya, nagtaud dagitoy iti sentro ti suidad ken agturong kuma dagitoy sadiay lowland.
Nupay kasta, idi nakadanunda iti killo a paset ti kalsada ket naki-innagaw ni Quiambao iti bangir a linya iti kalsada a nangitunda iti panakaibangga ti motortiklo iti maysa a pick-up.
Agpada met a nagsagrap iti dadael ti nasao a motorsiklo ken ti nabangga daytoy a pick-up.
