Ni Frank Tavares ket naiyanak a lalaki idiay Dominican Republic ngem iti las-ud ti 22 a tawen nagserbi kas madre iti nagan a Sister Margarita.
Nagmadre ni Frank iti dua a nagsinabali a kombento nga awan a pulos ti makin ammo a maysa daytoy a lalaki.
Ti pakasaritaan ni Frank wenno pagaammo kas Sister Margarita ket nangrugi idi agtawen iti uppat no sadino, pimmusay dagiti dadakkelna gapu iti aksidente.
Nabati daytoy iti lolana ngem kamaudiananna, gapu iti kinarigat ti biag ket naipaima iti panagaywan dagiti madre iti Dominican convent.
Sigun kenni Frank, malagipna a kas ubbing lalaki ket nagbassit ti prebado a paset ti bagina ken narigat a maidentipikar rason a napadakkel dagiti madre kas maysa a babai.
Nagkawes daytoy iti bado ti babae ken naadaptarna ti kabibiag dagiti madre iti unneg ti kombento.
Agingga a nagtawen daytoy iti pito idi naamuanna a maysa daytoy a lalaki.
Nupay kasta, intul-tuloyna a nagbiag kas babai gapu iti butengna a mailaksid iti kombento.
Naipasidong pay daytoy iti full health checkup ken kinompirma ti doktor a maysa gayam a lalaki.
Iti panaglabas ti tawen, inaramid ni Frank ti amin a pamuspusan tapno saan a maamuan dagiti madre a maysa daytoy a lalaki.
Sigun kenni Frank, saan a pulos a nakidigdigos kadagiti dadduma a madre, pinekena ti monthly periodna ken masansan nga agusar iti oversized a bistida.
Ngem idi addan daytoy iti teenage year ket saanna a nalapdan ti riknana ken nasikuganna ti maysa a madre isu’t gapuna a nag-alis iti sabali a kombento.
Nupay kasta, natnag manen ti riknana iti maysa a babae nga agnagan iti Silvia ken nasikugan metlaeng daytoy.
Gapu iti dayta, kiniddaw ni Silvia kenni Frank nga ummikkat iti kombento tapno agbukelda iti pamilya.
Iti baet dayta, saanna nga inkankano ti kiddaw ti kainnayan-ayatna a ni Silvia gaputa saanna a maibati dagiti madre a nangipakita kenkuana iti nasayaat.
Iti udi na, naduktalan metlaeng ti pudno a kinatao ni Frank kalpasan a nabasa ti maysa a manursuro iti kombento ti suratna kenni Silvia.
Gapu iti dayta, naipaikkat iti kombento idi 1979.
Iti ruar ti kombento, nagbiag ni Frank kas maysa a lalaki ken nagtrabaho kas tailor wenno agdadda-it no sadino, angingga ita nga agtawen iti 73 ket isu ti pagbabiaganna.
Kabayatanna, ti relasionda kenni Silvia ket saan a nagbayag kalpasan a nagturong ni Silvia idiay Estadus Unidos.
Agingga ita, saan paylaeng a nakitkita ni Frank dagiti annakna.
