Naiturong iti pagagasan ti agtawen iti 38 a lalaki, awanan asawa, painter/construction worker ken residente ti upper San Vicente Camp 7, Baguio City kalpasan a tinagbat daytoy ti katrabahuanna.
Ti suspek ket agtawen iti 64 a lalaki , maysa metlaeng a painter/construction worker ken residente ti maysa a subdivision ti sadiay Alapang, La Trinidad, Benguet.
Iti imbestigasyon nga insayangkat dagiti kameng ti La Trinidad Municipal Police Station, manarimaan a pagtungtungtungan dagiti dua dagiti naglabas nga aktibidad dagitoy bayat ti panaginumda iti arak.
Nupay kasta, napalabas ti manu nga oras wenno minutos timmakder ti suspek ket nagturong iti barracksna, nabayagan daytoy iti mano a minutos iti uneg sakbay a rinumwar imetna ti buneng.
Nakita daytoy ti biktima ngem saannan nga inkankano wenno pinanpansin.
Ngem pagamwam ta kellaat a tinagbat ti suspek ti biktima ngem nabaelan ti biktima nga iggaman wenno sinarapa ti tadem ti buneng a rason ti pannakaiwa ti ramayna.
Timmaray ti biktima ken nilagtona ti alad sadiay, ngem kinamat met daytoy ti suspek .
Nakita dagity dagiti kaarubada nga isu iti nang-anawa ken nang-awag kadagiti pulis.
Dagus met a nagresponde dagiti pulis ket nakemmeg ti suspek.
Iti agdama, agpapaimbag ti biktima iti ospital gapu iti nasagrapna a laceration kadagiti ramay daytoy ken sugat iti tenggedna.
Kabayatanna, ti suspek ket adda iti kustodiya ti pulisya pakairaman ti buneng kas ebidensya para iti pannakaipila ti kaso.// via Bombo Noveh Organo
