BAGUIO CITY – Sumangsango iti kaso a panaglabsing iti Comprehensive Dangerous Drugs Act of 2002 ti maysa a lalaki kalpasan a nakemmeg iti anti-drug operations nga impatungpal ti PDEA-Cordillera sadiay Trancoville, Baguio City idi kalman.
Nabigbig daytoy a ni Joey Valenzuela Bautista alyas Choi, agtawen iti tallopulo ket innem ken agab-abang iti nasao a lugar.
Nakumpiskar manipud kenkuana ti tallo a plastic sachet a naglaon iti maatap a shabu nga agdagsen iti 0.3 grams ken aggatad iti talloribu a pisos.
Iti panakiuman ti Bombo Radyo iti nasao a suspek, impettengna nga agar-aramat laeng daytoy iti maiparit a droga ngem saan daytoy a dealer wenno agilaklako iti shabu.
Kinunana nga innalukoy laeng daytoy ti barkadana iti panagaramat iti nasao nga iligal a droga.
Nupay kasta, kinuna ti maysa a PDEA agent a nabayagen nga addaan iti rekord mainaig iti illegal drugs ti suspek ken iliblibakna a saan daytoy a dealer ti shabu gaputa ammona a nadagdagsen ti pannusa iti panagilako iti iligal a droga.
————— Filipino translation ———–
BAGUIO CITY – Nahaharap sa kasong paglabag sa Comprehensive Dangerous Drugs Act of 2002 ang isang lalaki matapos maaresto sa anti-drug operations na inilunsad ng PDEA-Cordillera sadiay Trancoville, Baguio City kahapon.
Nakilala ito na si Joey Valenzuela Bautista alyas Choi, 36, at nangungupahan sa nabanggit na lugar.
Nakumpiska mula sa suspek ang tatlong plastic sachet na naglalaman ng hinihinalang shabu na may bigat na 0.3 grams at nagkakahalaga ng P3, 000.
Sa panayaman naman ng Bombo Radyo sa nasabing suspek, iginiit niya na gumagamit lamang ito ng ipinagbabawal na droga pero hindi ito dealer o nagbebenta ng shabu.
Sinabi niya na hinikayat ito ng kanyang barkada na gumamit ng iligal na droga.
Gayunman, sinabi ng isang PDEA agent na matagal nang may rekord ang suspek kaugnay sa illegal drugs at pinapabulaanan lamang nito na dealer siya ng shabu dahil alam nito na mas mabigat ang parusa a pagbebenta ng iligal na droga.
