BAGUIO CITY — Nakemmeg ti maysa a lalaki kalpasan a binarsak ken binagsolna ti maysa a maintenance personnel iti uneg ti maysa a videoke bar sadiay Cariño Street, siudad ti Baguio idi kalman.
Nabigbig ti suspek a ni Joseph Sandoval Briones, 39-anyos, baro ken residente sadiay Pidawan, Loakan Proper bayat a nabigbig met ti biktimana a ni Rolando Garcia, 35-anyos, baro ken residente sadiay Holy Ghost Extension.
Maibasar iti report ti pulisya, agin-inom iti arak ti biktima ken daigti tallo a kakaduana iti maysa a lamisaan iti uneg ti maysa a videoke bar sadiay Cariño Street idi killaat a timmakder ti suspek manipud iti sabali a lamisaan.
Inwaris ti suspek ti in-inomen ti biktima iti awan umno a rason sakbayna a binarsak ti agong ti biktima sakbayna a binagsol ti kanigid nga abaga ti biktima.
Dagus a nagpaarayat kadagiti pulis dagiti maseknan a nangitunda iti panakakemmeg ti suspek ken iti panakaitaray ti biktima iti pagagasan.
