Naiturong sadiay La Trinidad Municipal Jail ti maysa a lalaki nga agtawen iti 20 gapu iti kaso daytoy a panagtakaw.
Ti suspect ket awanan iti trabaho ken residente iti Betag, La Trinidad bayat a ti biktima ket maysa nga store owner a residente metlaeng iti kapada a barangay.
Maibasar iti report ti kapulisan, nagturong ti suspect iti store ti biktima tapno agpa-transfer iti kuarta nga aggatad iti P270 babaen iti maysa nga e-wallet.
Kalpasan a nai-transfer ti nasao a kuarta, impakita ti biktima ti screenshot ti money transfer ngem kellaat a sinipdot ti suspek ti cellphone ti biktima.
Kasaruno dayta, timmaray ti suspek paturong sadiay Swamp Betag, La Trinidad.
Iti baet a nakataray ti suspect, adda iti concerned citizen a nakatiliw iti daytoy rason a dagusda nga inturong iti istasyon ti pulisya.//Bombo Genzel Depayso
