Agpatpataming itan idiay Benguet General Hospital ti maysa a lalaki a nasarakan nga awanan iti puot iti maysa a pathway idiay Barangay Pico, La Trinidad, Benguet.
Ti lalaki ket agtawen iti 19, single, tubo iti Sayangan, Atok, Benguet ken agnanaed iti agdama sadiay Holyghost Extension Baguio City.
Maibasar iti impormasyon manipod kadagiti otoridad, impakaammo ti maysa a concerned citizen ti maipapan iti lalaki kadagiti kameng iti pulisya a manarimaan nga agronronda.
Ti lalaki ket nasarakan a nakaidda laeng iti maysa a pathway idiay Barangay Pico, La Trinidad nu sadino, maatap a daytoy ket nadangran gapu ta adda iti dara a naimatangan nga agay-ayos iti likudan daytoy.
Dagus met nga inawagan dagiti kameng ti pulisya ti kameng iti Bureau of Fire Protection Emergency Response Team tapno maipaayan iti first aid ti nasao a lalaki.
Ti lalaki ket naduktalan nga adda iti impluwensya iti aral.//Bombo Genzel Depayso
