--Ads--
BAGUIO CITY – PIMMUSAY ti maysa a lalaki kalpasan a natnag ti imanmanehona a motorsiklo iti fly-over sadiay Magsaysay, ditoy siudad ti Baguio idi rabii.
Nabigbig daytoy a ni Francis Ducusin Ortega, 24-anyos, awanan asawa ken residente ti Bacbacan, Asin Road, Tuba, Benguet.
Maibasar iti report, nagtaud ni Ducusin iti Lower Magsaysay idi napukawan daytoy ti kontrol iti steering bar.
Gapu iti daytoy, nadungparna ti barikada sakbay a natnag iti fly-over nga addaan iti kangato a 20 a kadapan.
Naiturong pay daytoy iti pagagasan ngem pimmusay metlaeng gapu iti nakaro a dunor a nasagrapna.
