Lalaki sadiay Apayao, pimmusay kalpasan a naltutan bayat ti panagngalngalna iti bua

BAGUIO CITY – Agpalpalgip ita dagiti otoridad kadagiti nai-issem iti “momma” kasaruno ti ipupusay ti maysa a lalaki kalpasan a naltutan bayat ti panagngalngalna iti bua sadiay Capagaypayan, Luna, Apayao.

Nabigbig daytoy a ni Jomarie David Chica, 23-anyos ken residente iti nasao a lugar.

Maibasar iti report, napukawan iti poot ti biktima bayat ti panagngalngalna iti bua.

Intaray dagiti maseknan nga umili ti biktima iti Far North Luzon General Hospital and Training Center ngem naideklara daytoy a ‘dead on arrival’.

Naduktalan a ti rason iti ipupusay ti biktima ket mechanical obstruction iti ngato a paset ti airway daytoy.