Impetteng ni Foreign Affairs Undersecretary Eduardo de Vega nga impasigurado ti Philippine Embassy sadiay Lagos, Nigeria ti legal assistance para kadagiti sangapulo ket maysa a Pilipino a naibalud sadiay Nigeria.
Dagitoy ket dagiti Pilipino a naibalud gapu iti maatap a “cyber-terrorism ken internet fraud.
Sigun kenkuana, manarimaan metten ti panangiproseso dagitoy kadagiti kaso dagiti nasao a Pilipino.
Maipalagip a naarestar dagitoy kaduada dagiti dua a Chinese, maysa a Malaysian ken maysa nga Indonesian.
Nasentensyaan dagitoy iti sagmamaysa a tawen a pannakaibalud ken namulta pay dagitoy iti one million naira wenno agarup $630 kalpasan a napaneknekan dagitoy a guilty.
Naakusaran metlaeng dagitoy nga agrecrecruit kadagiti agtutubo a Nigerians para iti “identity theft ken dadduma pay.
