Inlawlawag ti legal counsel ni VP Sara Duterte a ni Atty. Paul Lawrence Lim manipud Chua Lim and Associates nga awan ti naawat ti bise presidente nga anyaman nga special treatment idi naipasidung daytoy iti booking procedure idiay Quezon City Regional Trial Court.
Inlawlawag ti abogado a nangisumitir ti bise presidente iti bukodna a ladawn iti korte para iti kasapulan a rekord, bayat a naurnos ken pormal met a naala ti fingerprint daytoy kas maitunos iti proseso ken linteg.
Kagidan daytoy, pormal a kinumpirmar ni Lim a lifted ti naipaulog a warrant of arrest kontra kenni Duterte kalpasan a balligi ti panangipilana iti piyansa para iti tallo a bilang ti grave threats.
Gapu iti panagbayad ti bise presidente iti kaskenan a gatad iti korte, temporaryo daytoy a nawayawayaan bayat nga agtuloy ti panagdengngeg iti merits ti kaso na.
Iti baet ti panangraem iti proseso ti booking, agtaltalinaed met ti legal a posisyon ti kampo ti bise presidente nga idepensa ti karbengan ni VP Sara Duterte seknan kadagiti isyu ti immunity ken umno a proseso iti panangdusa kadagiti impeachable officers iti pagilian.
