Nakasagana ti legal team ni sigud a president Rodrigo Duterte a mangawat kadagiti anyaman a kondisyon a kiddawen iti International Criminal Court (ICC) para iti posible a panakaipalubos ti interim release daytoy.
Daytoy ket maibasar iti impila ti lead counsel ni Duterte a ni Nicholas Kaufman.
Karaman iti daytoy ti posible a panagnaed ni Duterte iti third country, travel restrictions, ken monitoring measures.
Iti agdama, manarimaan paylaeng ti panangadal iti ICC Pre-Trial Chamber iti nasao a kiddaw.
Immuna metten nga impakaammo ni Vice President Sara Duterte nga addan ti maysa a pagilian a nakasagana nga umawat iti ama daytoy kaspangarigan mapatgan ti kiniddawda nga interim release.
Mainaig iti dayta, posible met a maipatungpal ti confirmation of charges ni FPRRD iti kaso daytoy a crime against humanity kalpasan a naitantan manipod iti orihinal nga iskedyul a September 23, 2025.
