BAGUIO CITY – Maisagsaganan ti maysa a giant mural painting project para kadagiti legends wenno banuar nga atleta iti Cordillera ken dagiti atleta ti Team Lakay a maaramid sadiay Athletic Bowl ditoy siudad ti Baguio.
Ipinta ti artist ken Team Lakay fighter a ni Harold Banario ti Team Lakay mural kadagiti pader iti asideg ti sigud a City Tourism Office.heroes/legends mural
Maitampok ditoy ti walo a personalidad ti martial arts group a bukbuklen ni head coach Mark Sangiao, dagiti sigud a world champions a da Eduard Folayang, Honorio Banario, Geje Eustaquio, Kevin Belingon ken Cris Pitpitunge ken dagiti agdama a world champions a da Joshua Pacio ken Stephen Loman.
Pinagyaman met ni coach Sangiao ti nasao a proyekto ken kinunana a mangipaay daytoy iti kanayunan nga inspirasyon ken kired kadagiti atleta ken coaches nga agensayo ken agay-ayam iti nasao a training facility.
Kabayatanna, imbingayna nga agtultuloy ti panangpasayaat ken panangpapintasda kadagiti training programs ti Team Lakay tapno makapatauddada pay kadagiti world champions iti mix martial arts nga agserbi nga inspirasyon dagiti sumarsaruno a henerasyon.
Sigun pay kenkuana, nangrugi metten ti cardio training dagiti atleta daytoy kagiddan ti panaglukat manen dagiti sports facilities ditoy siudad iti Baguio ken iti probinsiya ti Benguet.
Kinunana a paset daytoy ti panagsaganada para kadagiti sumarsaruno a laban dagiti atleta ti bunggoy.
Kabayatanna, ipinta met ti artist a ni Gladys Ann Labsan dagiti maitampok iti heroes/legends mural a maaramid iti long stage dugout walls ti Athletic Bowl.
Tampok ditoy da 3-time Olympian runner Hector Begeo, Olympian Gerry Dino, Queen of Philippine Javelin Erlinda Lavandia, Igorot boxing legend Rey Tam, wushu world champion Divine Wally ken world taekwondo poomsae champion Jeordan Dominguez. (report ni Bombo Jordan Tablac)
