BAGUIO CITY – Inkari ti Caretaker ti probinsia ti Benguet a mangipaay daytoy ti libre a bakuna kadagiti frontliners iti Benguet General Hospital ken kadagiti membro ti local media.
Sigun kenni ACT-CIS partylist Representative ken Benguet Legislative Caretaker Eric Go Yap, manarimaan ti panakikoordinarna kenni National Policy Against COVID-19 Chief Implementer ken Vaccine Czar Secretary Carlito Galvez para iti panakagatang dagiti maaramat a bakuna a maipaay kadagiti dinakamatna a sektor.
Kinunana a dagiti gatangena a kanayunan a COVID-19 vaccines ket para iti probinsya ti Benguet partikular dagiti frontline health workers ti Benguet General Hospital ken dagiti journalists nga agpapay metlaeng kas frontline workers iti lokalidad.
Dinakamatna a kasapulan dagiti health workers ken dagiti media a maiprioridad a mabakunaan gaputa dagitoy nga kanayun ti rumrumwar kadagiti pagtaenganda.
Innayonna a gumatang daytoy ti 600 doses ti COVID-19 vaccine para kadagiti frontliners ken ti gastos ket agtaud iti bukodna a bulsa.
