--Ads--
BAGUIO CITY – Pinirmaan ti lokal a gobyerno ti Baguio ken dua a dadakkel a telecommunications network ti memorandum of agreement para iti panakapapintas ti libre nga internet wenno wifi service kadagiti kangrunaan a disso ditoy siudad.
Babaen iti katulagan ket libre itan a maka-access dagiti umili iti internet babaen ti libre a wifi-service dagitoy nga umuna a maimuntar iti City Hall.
Sumaruno a maimuntar ti nasao a serbisyo sadiay Burnham Park, Session Road ken kadagiti parapubliko nga ospital.
Naipaay metten kenni Mayor Benjamin Magalong ti P380-M para ti fiberization project.
Maitunos daytoy iti panangsuportar ti dua a telcos iti digital revolution ken iti panagbalin ti Baguio kas Smart City.
