Kinondinar ti Transport group a Liga ng Transportasyon at Operators sa Pilipinas (LTOP) ti “Tigil pasada” a pampanggepen dagiti dadduma a Transport group iti pagilian.
Iti interview ti Bombo Radyo kenni Mr. Orlando Marquez, Presidente ti Liga ng Transportasyon at Operators sa Pilipinas (LTOP), kinunana a saanda a karaman kadagiti organisasion a mangisayangkat ti “Tigil pasada”.
Inyunay-unayna a ti grupo dagitoy ket agtumtumpal iti pagalagadan ti Land transportation office (LTO) ken ipangpangrunada latta ti pangimbagan dagiti pasahero a maapektaran, iti kanito a maipatungpal ti “Tigil Pasada”.
Kabayatanna, impakaammo ni Mr. Marquez a kangrunaan a parikotda ti colorum a lugan iti anya man a paset ti pagilian.
Gapu iti dayta, kidkiddawen ti nasao nga organisasion a maipaayanda ti “Deputization”.
Babaen iti daytoy, maipaayanda iti otoridad tapno dagitoy a mismo ti agbantay iti rotada ken maliklikan ti colurom.//mp4
