--Ads--
Ammum kadi nga adda ti lima a parrot a nasinasina kalpasan ti panangilunod ken panangkatawada kadagiti bisita iti maysa a zoo?
Dagitoy a parrot ket da Billy, Elsie, Eric, Jade, ken Tyson.
Inampon daytoy ti Lincolnshire Wildlife Park idiay Friskney, Lincolnshire, England.
Immuna a naipasidong dagitoy iti quarantine nga agkakadua sakbay a mainayon wenno mairaman kadagiti dua gasut a grey parrots.
Dagus a nasursuroda ti aglunod kadagiti bisita ken nagpipinnaregtada pay nga aramidenda daytoy, a kasla makaay-ayo kadakuada.
Tapno saan a makasursuro ti dadduma a parrots iti saan a nasayaat ken tapno saan a maapektaran dagiti bisita, nangruna dagiti ubbing, naisina dagiti lima ken naikabil iti nagduduma a paset ti parke.
