ITOGON, BENGUET- Manarimaan paylaeng ti imbestigasyon dagiti otoridad tapno mabigbig dagiti suspek a responsable iti napasamak a panagtakaw iti maysa a shop idiay Ucab, Itogon, Benguet idi laeng dominggo, Mayo 19.
Iti pannakiuman ti Bombo Radyo kenni Police Major Allan Carpio Alog, dadaulo iti Itogon Municipal Police Station, kinunana nga addan ti person of interest dagitoy.
Maibasar iti CCTV footage ken iti salaysay metlaeng ti biktima, nakabonet ken addaan ti paltog dagiti lima a suspek rason a saan a nakalaban dagiti biktima.
Sigun kenni Alog, agarup P600-K a cash ti inala dagiti agtatakaw ken gold coins nga aggatad iti agarup P6 million.
Iti baet dayta, awan met ti nadangran kadagiti biktima.
Kabayatanna, impasigurado ni Alog nga aramidenda ti kabaelanda tapno masulosyunan ken mabigbig dagiti suspek.
Makikoordinar metlaeng dagitoy kadagiti barangay officials tapno masarakan ken mabigbig dagiti suspek.
