Pimmusay ti lima a tattao ken dua ti nadangran kalpasan ti panagbettak ken uram iti production line iti maysa a paktoria sadiay South Korea idi June 01, 2026.
Karaman kadagiti lima a pimmusay ti dua a temporary workers nga agtawen iti 20, bayat a dagiti dadduma ket empleyado ti Hanwha factory.
Sigun kadagiti health official, saan paylaeng a nabigbig dagiti biktima gapu iti nakaro a pannakauram ti bagi dagitoy.
Iti inisyal nga imbestigasion dagiti otoridad, maysa a panagbettak ti nangrugian ti uram iti nasao a paktoria idiay Daejeon City.
Pagaammo ti Hanwha factory a defence ken aerospace company a mangpatpataud kadagiti dadakkel a makina a mangpataray kadagiti rocket propellant.
Kabayatanna, kiniddaw ni South Korean President Lee Jae Myung ti pannakaisayangkat amin nga addang tapno marespodian ken maisayangkat ti nainget nga imbestigasion iti napasamak nga insidente.
