Napateg a nutrient ti iron para iti salun-at ti maysa a tao. Ngem nu literal nga iron wenno landok ti kanen, sabali ti maipaay daytoy iti bagi.
Mga kabombo, ammoyo kadi a maysa a lalaki idiay India ti nangtilmon iti tulbek, nail cutter, ken folding knife?
Immuna a nagpukaw ti tulbek ti pagbadoan wenno wardrobe closet ti ina ti nasao a lalaki.
Idi nagsaludsod daytoy, impudno ti anakna a tinilmonna ti tulbek.
Idi damo, impagarop ti ina nga agang-angaw laeng ti nasao a lalaki ngem napaneknekan a tinilmonna nga agpayso ti tulbek idi naiturong daytoy iti ospital nu sadino, naduktakan babaen iti ultrasound ti kaadda dagiti nasao a kagawaan iti tianna.
Iti baet a narisgu ti operasyon, balligi a naikkat ti presiding surgeon dagiti tulbek, nail cutter, ken folding knife iti tian ti lalaki.
Nasayaat metten ti kasasaad ti nasao a pasyente ngem saan pay a nalawag ti rason iti panangtilmonna kadagiti nadakamat a kagawaan.
Agparparang a naimpluwensyaan daytoy kadagiti mabuybuyana kadagiti social networking sites, ken posible nga addaan daytoy ti pica-maysa a mental health condition nu sadino, kanen ti indibidwal nga agsagsagaba iti daytoy dagiti non-food items.
