Agtaltalinaed ni Cordilleran fighter a ni Lito “The Thunder Kid” Adiwang iti sidong ti medical observation kalpasan a nagsagrap iti injuries kabayatan ti catchweight bout-na kontra kenni Brazilian Antonio Cesar iti ONE Fight Night 45.
Naangay ti laban dagitoy iti Lumpinee Stadium sadiay Bangkok, Thailand idi July 18, 2026.
Maipalagip a na-fracture ti paset ti makin-kanawan nga ima ni Adiwang iti opening round ti laban dagitoy.
Dakkel ti saan a nasayaat nga epekto daytoy iti performance-na.
Iti baet ti injury ni Adiwang, inleppasna ti tallo a rounds kontra kenni Cesar.
Nupay kasta, naabak metlaeng daytoy babaen iti unanimous decision.
Kabayatanna, manarimaan metlaeng ti panangsukimat dagiti Doktor iti shoulder issue ni Adiwang.
Ti agdama, awan paylaeng ti opisial a naipakaammo no kaano nga agrecover ti nasao nga atleta.
Sakbay ti laban ken pannakapaay ni Adiwang kontra kenni Cesar, nagballigi daytoy iti immuna a round ti 140-pound catchweight MMA bout kontra kenni Eko Roni Saputra iti ONE Fight Night 43 idi Mayo 15, 2026.
