--Ads--
Maaddaan iti baro a kabalubal ni Cordilleran mixed martial artist Lito Adiwang iti ONE Fight Night 45 inton Hulio 18 iti Lumpinee Boxing Stadium idiay Bangkok, Thailand.
Ti maisukat kenni American fighter Joshua Perreira ket ti Brazilian a ni Antonio Cesar kalpasan nga immatras ni Perreira gapu iti saan a naibaga nga injury.
Sigun kenni Adiwang, saan nga agbaliw ti panagsaganana ken panggepna a maala ti maikatlo nga agsaruno a pangabak.
Awit ni Cesar ti 13-1 professional record iti debut na iti ONE Championship, bayat a sumrek ni Adiwang iti laban nga addaan iti dua nga agsaruno a pangabak, karaman ti 34 a segundo a knockout kenni Eko Roni Saputra.
