Pimmusay ti walo a Buddhist monks bayat a nadangran dagiti nasurok 20 nga indibidual kalpasan a dinungpar ti pickup truck nga inmaneho ti 11-anyos a lalaki sadiay Mukdahan, Thailand.
Karaman dagiti biktima kadagiti 34 a monghe ken lima a pasurot manipud Mukdahan a makipaspaset iti 260-kilometers religious walk.
Paturong dagitoy iti maysa a templo iti probinsia ti Ubon Ratchathani, agarup 600 a kilometro iti amianan a daya ti Bangkok.
Lima kadagiti monghe ti dead on the spot bayat tallo ti pimmusay iti ospital.
Sigun iti Chief of Police ti Mukdahan Province, inala ti 11-anyos a suspek ti pickup truck manipud iti pagtaenganda.
Nagmaneho daytoy iti agarup 10 kilometers sakbay a nadungparna ti grupo dagiti monghe
Saan paylaeng a naipila ti kaso kontra iti suspek bayat nga agtultuloy ti imbestigasyon.
Sigun kadagiti otoridad, adda paylaeng iti “state of shock” ti ubing isu’t gapuna a saan paylaeng a nakiddaw ti statement-na.
Panggep dagiti imbestigador nga alaen ti statement daytoy apaman a sumangpet dagiti protection officers a tumulong.
