Temporaryo a naisardeng itay ti livestream ti senate impeachment court iti trial ni VP Sara Duterte kalpasan nga inyebkas ti baro a testigo a ni Bureau of Internal Revenue (BIR) Chief of Staff Atty. Anne Loraine Garcia-Marquez seknan iti privacy ti sumagmamano nga opisyal ti ahensya.
Inyebkasna ti pakaseknan na kalpasan a naiparang iti monitor ken screen iti uneg ti impeachment court dagiti sensitibo a personal a detalye dagiti revenue officer ken examiner ti BIR a nakaiggem kadagiti dokumento.
Gapu iti daytoy, dagos nga imbilin ti impeachment court ti temporaryo a pannakaputed ti broadcast ti trial tapno adalen ken iproseso ti panangikat kadagiti pribado nga impormasyon kas nailanad iti Data Privacy Act ken probisyon ti Tax Code seknan iti confidentiality.
Iti baet dayta, nagtuloy latta ti panagdengngeg bayat iti proseso ti panangtarimaan kadagiti naiparang nga electronic exhibit.
