Temporaryo a naipaserra para kadagiti motorista ti loakan airport kasaruno ti pannakatnag ti Marshiete trainer aircraft.
Nupay kasta, silulukat daytoy para iti pedestrianization, nangruna kadagiti residente.
Sigun kadagiti guardia, agingga nga a saan pay a naikkat dagiti nakaparada a sangapulo a Marshiete trainer aircraft ken no awan ti abiso manipud ti Philippine Air Force ket saan a mailukat daytoy para kadagiti turista.
Dagiti sangapulo a nakaparada a Marshiete trainer aircraft ket kadua ti nag-crash nga aircraft sadiay Cabuyao, Poblacion,Tuba, Benguet a naglugan dagiti dua a pimmusay a personnels ti PAF.
Nagtaud dagitoy sadiay Fernando Air Base, Lipa City, Batangas ken ag-landing da koma sadiay Loakan Aiport.
Naiyawid ti bangkay dagiti dua a biktima idi Huebes paturong iti Villamor Air Base sadiay Manila.
Naipatungpal metlaeng ti case conference iti nagbaetan dagiti otoridad ken ti air force.
Iti impormasyon a nakalap ti Bombo Radyo, saan paylaeng a naikkat ti nag-crash nga Aircraft sadiay Cabuyao.
Agtultuloy a bambantayan daytoy dagiti otoridad a pakairamanan dagiti air force.
Agtultuloy paylaeng ti imbestigasyon ti maseknan nga otoridad iti napasamak nga insidente.//Bombo Noveh Organo
