Inwaragawag ti Commission on Elections idi Martes, October 29, 2024 a ma-automate ti local absentee voting para iti May 2025 midterm elections iti kaunaan a gundaway.
Sigun kenni Comelec Chairman George Garcia, maaramid ti mass feeding ti balota kalpasan ti panagserra ti local absentee voting hours.
Innayon ni Garcia a pinili ti Commission on Elections nga “automate” ti panagbutos dagiti local absentee voter tapno mapapartak ti proseso ti eleksion.
Ti poll body ket mangikabil kadagiti vote counting machines kadagiti nadumaduma a lugar a pakaangayan ti local absentee voting.
Karaman kadagiti absentee voter ket dagiti opisial ken empleado ti gobierno, pakairamanan dagiti kameng ti Armed Forces, Philippine National Police kasta met dagiti media workers.
Nupay kasta, dagiti national positions kas iti senador ken party-list representatives laeng ti mabalin a botosan dagitoy.
