Ad-adalen iti lokal a gobierno iti siudad ti Baguio babaen iti panangidaulo ni Mayor Benjamin Magalong ti panangibangon iti pet crematorium tapno mangipaay iti lokal a serbisio iti panag-cremate iti taraken nga ayop.
Sigun iti City Veterinarian and Agricultural Office (CVAO), manarimaan ti proseso ti site selection ken koordinasion kadagiti barangay ken service providers.
Impaganetget metlaeng iti CVAO ti responsable a panangaywan iti ayop kas maitunos iti Animal Welfare Act, karaman ti “Five Freedoms” ken ti nainget a panangipawil iti panangbaybay-an a mabalin a maibilang nga animal cruelty.
Ginuyugoyna dagiti pet owner a siguraduen a nasayaat ti panangaywan ken pannakaibalud iti taraken tapno maliklikan ti aksidente ken dadduma pay a pakaseknan iti komunidad.
