Nagballaag ti lokal a gobyerno ti Munisipyo ti Itogon partikular ti Bureau of Fire Protection (BFP) – Itogon iti publiko nga agridam dagitoy kontra kadagiti indibidual nga aglawlawlaw iti nasao a munisipyo aramat ti gray a van ken maatap a mangilaklako kadagiti fire extinguisher aramat ti nagan ni Bureau of Fire Protection (BFP) – Itogon.
Sigun iti pablaak ti lokal a gobyerno ti nasao a munisipyo, kayat nga ipakaammo ti Bureau of Fire Protection (BFP) – Itogon a saan nga otorisado dagiti personnelda a mangidiaya iti partikular a brand ti fire extinguisher kasta metten a saanda metlaeng a mangirekrekomendar iti partikular a brand ti fire extinguishers.
Mabalbalakadan met ti publiko ken public establishments nga iberipikarda nga umuna dagiti kinasiasino dagiti nasao nga indibidual iti kanito a ma-encounterda dagitoy sakbay a gumatangda wenno makipag-transaksyonda kadakuada.
Maguyguyugoy met ti publiko nga ireportda a dagos iti oblacion Fire Station, Tuding Substation dagiti mapagduaduaan nga aktibidad babaen iti hotline a 09307932832.
