Dinutokan ni President Ferdinand “Bongbong” Marcos Jr. ni Police Lieutenant General Emmanuel Baloloy Peralta kas officer-in-charge ti Philippine National Police (PNP) kalpasan ti panagleppas ti termino ni Philippine National Police (PNP) chief General Benjamin Acorda Jr. idi kalman.
Daytoy ket sigun iti Presidential Communications Office.
Ni Peralta ket nagbalin a Philippine National Police (PNP) Deputy Chief for Administration idi Pebrero a singko ti agdama a tawen.
Maipalagip a naituding nga agleppas ti termino ni Acorda Jr. idi Disyembre a tres ti napalabas a tawen gapu ta nadanonna ti mandatory retirement age a 56.
No pay kasta, inlaylayon ni Marcos J. ti serbisyo daytoy agingga Marso ti agdama a tawen.
Kabayatanna, impeksa ti Philippine National Police (PNP) ti “sincere appreciation” dagitoy kalpasan ti panakadutok ni Peralta kas officer-in-charge.
