Insingasing ni Senator Francis “Chiz” Escudero ti panakairaman dagiti lokal a gobyerno iti proseso iti panakaaramid dagiti imprastraktura.
Daytoy ket kagiddan ti panagregget ita iti gobyerno a baliwan ti sistema iti panakaaramid dagiti proyekto pakairamanan ti panakaplano, panakailatang iti pondo, ken panakaiyimplimintar dagitoy.
Sigun kenni Senator Escudero, rumbeng a dagiti proyekto ket dumalan nga umuna kadagiti maseknan a lokal a gobyerno sakbay nga iraman dagiti national agencies dagitoy iti National Expenditure Program (NEP).
Patien ti sigud a senate president nga ti kangrunaan a parikut ket ti panakairaman dagiti proyekto iti pinal a bersyon iti nasyunal a budget iti baet nga awan iti naipatungpal nga umno nga assessment nu dagitoy ket feasible,kasapulan, wenno agpayso.
Impettengna a saan a rumbeng nga agbalin a kaso daytoy iti gobyerno nu panggepna a liklikan wenno paksyaten ti korapsyon.
Mamati daytoy a sakbay a mangiruar ti Department of Budget and Manengment(DBM) iti pondo para kadagiti proyekto ket kasapulan pay ti endorsement manipod kadagiti maseknan a regional, provincial wenno municipal development council.
