Rinespundean ti kapulisan ti siudad ti Baguio ti maatap a kaadda ti bomba idiay Governor Pack Road, Baguio City kalman rabii.
Sigun iti imbestigasyon dagiti otoridad, 9:15 ti rabii idi nadiskobre ti maysa a maseknan nga indibidwal ti maatap a materyal kabayatan iti panangidispose na iti basura.
Maibasar iti report, pinagduaduaan daytoy ti nakabati a maysa a bagahe nga angot gunpowder. Apaman a nilukatanna ti nasao a bagahe, nakitana dagiti wires iti uneg isu’t gapunna nga inreport na a dagus daytoy iti Fixed Visibility Point 3.
Rinmesponde met ditoy a dagus dagiti kapulisan ken kinordonanda ti nasao a pasdek.
Base iti assessment ti CECU, ti mapagduaduaan a bagahe ket naglaon iti used pyrotechnic materials ken electric match a maararamat iti fireworks display.
Naideklara met kas “clear and safe” ti Governor Pack Road , alas 11:26 ti rabii.
Naipaima ti nasao a materyal iti istasyon ti Baguio City Police Office Station 7 para iti safe keeping ken documentation.
Mannarimaan meten ti imbestigasyon ti kapulisan seknan iti nasao a pasamak. //Bombo Karen Calpoe Sapirao
