Mabalin nga agtestigo ti dua a maatap a kameng ti “infamous” Davao Death Squad kontra kenni sigud a President Rodrigo Duterte, a sumangsango iti kaso a crimes against humanity iti International Criminal Court (ICC) sadiay The Hague.
Sigun kenni International Criminal Court (ICC) Assistant to Counsel Kristina Conti, dagiti testimonia manipod ken da Edgar Matobato ken Arturo Lascañas ket napateg tapno mainaig ti Davao Death Squad (DDS) ni Duterte.
Nailanad iti warrant of arrest nga inruar ti ICC ti akem ni Duterte kas founder ken lider ti DDS – maysa a grupo a nalatak a mangpapatay kadagiti kriminal iti Davao City a nagserbian ni Duterte kas mayor iti 22 a tawen.
Kabayatanna, ni Matobato ket maysa a self-confessed hitman ken imbinglayna iti panagdenggeg ti Senado idi 2016 ti pammapatay nga inaramidda manipod idi 1998 agingga 2013, bayat a ni sigud a Davao City policeman Lascañas ket dadaulo ti Davao Death Squad (DDS) ni Duterte.
