Inwaragawag ni Senate President Francis “Chiz” Escudero a nu mangipaulog iti warrant of arrest ti International Criminal Court kontra kenni Senator Ronald “Bato” dela Rosa ket mabalin nga agtalinaed daytoy iti uneg ti Senado agingga a maibos dagiti amin a legal remedies a mabalin a maaramid.
Sigun kenni Escudero, daytoy ket naibasar iti “institutional courtesy” nu sadino saan nga ipalpalubos ti Senado a matiliw dagiti miembro daytoy iti uneg ti Senado nangruna nu adda ti manarimaan a session.
Innayon pay ni Escudero a maipatungpal daytoy agingga nga awan pay ti nalawag a desisyon ti korte maipapan kadagiti addang a mabalin pay nga aramiden ni dela Rosa.
Iti agdama ket awan pailaeng met ti dokumento a kidkiddawen ti International Criminal Court manipud iti Senado maipapan iti kaso ni sigud a President Rodrigo Duterte.
Kabayatanna, ibilbilang ni dela Rosa kas iligal ti aniaman nga arrest warrant manipud iti ICC kontra kenkuana ken impettengna a saanna a bigbigbigen ti hurisdiksyon ti ICC.
