--Ads--
Natiliwen ti mabigbigbig a “food thief” idiay La Trinidad, Benguet—ti maysa a long-tailed macaque nga agtaktakaw iti makan ken dadduma pay a kagawaan dagiti umili.
Kanayon a sumrek ti bakes kadagiti pagtaengan, mangala iti taraon, ken mapapati a responsable metlaeng iti pannakaawan dagiti babassit a manok wenno piyek ken babassit nga ayop. Adda metlaeng ti maysa nga ubing a nakagat ti bakes.
Adda ita iti ikot iti DENR-Cordillera ti nasao nga ayup kalpasan a natalged a natiliw babaen iti tulong dagiti otoridad.
Iti panagsukimat, adda iti nasayaat a kasasaad ti bakes.
Agtultuloy pay ti kanayunan nga imbestigasion iti nagtaudan daytoy bayat a maipaspasidong iti rehabilitation sakbay a maisubli iti natural a pagtaenganna.
