Nilagip ti siudad ti Baguio ti maika-126th nga anibersaryo ti panagwaywayas ti pagilian a Pilipinas manipud kadagiti ima dagiti mannanakop.
Daytoy ket naipatungpal iti Baguio Convention and Cultural Center a nangrugi iti alas otso ti agsapa.
Naselebraran daytoy iti tema a “Kalayaan, kinabukasan, kasaysayan.”
Nagserbi kas guest of speaker ni Mayor Benjamin Magalong nu sadino kinablaawanna iti tunggal maysa ken nilagipna dagiti sakripisyo dagiti bannuar a Pilipino ken Amerikano tapno magun-od ti panakawaya-waya iti agdama.
Nupay kasta, kinuna ni Magalong a nasken met ti panakawaya-waya manipud kadagiti korapsyon ken saan a nasayaat nga aramid dagiti daduma nga opisyal a manglaplapped iti panagdur-as ti ekonomiya ti pagilian.
Sigun kenkuana, ti korapsyon ti kangrunaan a mangituntunda iti kinakurapay a nasken a marisut tapno matungpal dagiti arapaap ti tunggal maysa.
Kabayatanna, naiperform dagiti nagduduma a cultural dance iti rehiyon Cordillera a mangipakpakita iti nabaknang a kultura ti nasao a rehiyon.
Immuna metten a naiparang ken naipangato ti bandera ti pagilian kadagiti opisina, ahensiya, estruktura ken establishemento iti siudad para iti panakalagip ti panakawaya-waya ti pagilian.//Bombo Mera Pacpacan
