BAGUIO CITY – Imbinglay ni Wilson Bumay-et Jr., Presidente ti Baguio-Benguet Jeepneys Federation, a mangrugi ita nga aldaw ti batch Maikadua a batch a makaawat iti ayuda iti Tuloy Pasada Program wenno TUPAD program para kadagiti drivers ken dispatchers a maapektaran iti panagngato ti presio ti petrolyo.
Iti pannakiuman ti Bombo Radyo, imbinglayna a nasurok 400 a drivers iti Baguio-Benguet ti nagnumar iti umuna a batch, bayat a ti maikadua a batch ket namnamaenda a nasurok 800 a drivers ti makagun-od iti tulong.
Ipaay ti TUPAD program ti P505 a pamastrekan iti uneg ti 15 nga aldaw kadagiti napili a benepisyaryo, a mangted iti temporaryo a tulong kadagiti transport workers a maapektaran iti nangato a presyo ti krudo.
Namnamaen ti federasyon a maaddaan pay ti pondo iti nasao a programa tapno adda pay dagiti sumaruno a batch nga agnumar iti nasao a tulong.
Kabayatanna, kiniddaw met ni Bumay-et iti State of the Nation Address ni President Ferdinand Marcos Jr. ti pannakaipaay ti win-win solution iti modernization program ken panangibaba ti presio kadagiti produkto iti lana, a sigun kenkuana ket saan laeng a dagiti drivers ken operators ti maapektaran nu diket uray iti publiko. | via Bombo Khey Reparip
