--Ads--
Kinumpirmar iti Department of Foreign Affairs (DFA) a dua itan a Pilipino ti pimmusay iti aftermath iti gingined a dimmalapos idiay Myanmar idi March 28.
Sigun iti nasao nga ahensya, naawat iti embahada iti Pilipinas sadiay Myanmar ti opisyal a kumpirmasyon seknan iti pakabigbigan ti bagi ti maysa a Pilipino a nasarakan dua a lawas kalpasan ti nasao a gingined.
Naipakaammo metten daytoy iti pamilya iti nasao nga Overseas Filipino Worker(OFW).
Maipalagip nga immunan a nakumpirmar ti ipupusay ti maysa pay a Pilipino nga agserserbi metlaeng a mannursuro sadiay Myanmar.
Kabayatanna, sinanamnama met ti ahensya a masarakan ti dua pay a Pilipino a mapukpukaw.
