--Ads--
BAGUIO CITY – Maangay inton June 18 ti second quarter joint meeting ti Regional Development Council (RDC) – Cordillera ken ti Regional Peace and Order Council (RPOC) – Cordillera.
Segun iti RDC-Cordillera, maangay ti taripnong sadiay Lagawe, Ifugao babaen iti panangidaulo ni RDC Chair Baguio City Mayor Mauricio Domogan.
Matalantan ti isyu ti peace and development partikular ti accreditation system dagiti civil society organizations.
Tarigagay ti dua a council a maipangato pay ti kooperasyon dagiti pribado a sektor kadagiti nagduduma nga isyu a sangsangwen ti rehiyon.
Mapagsasaritaan pay ti maika-31st founding anniversary ti rehiyon Cordillera inton sumaruno a bulan ti July ken ti panakaipatungpal ti Unity Gong Relay inton July 9-15.
