“If I can so you can,” ti naipeksa ni Cadet 1st Class Jeneth Elumba, Magna Cum Laude ken Rank No. 1 ti Philippine Military Academy (PMA) Bagong Sinag Class of 2024 kadagiti mangpangpanggep nga agbalin a kadete iti nasao nga akademya.
Iti exlusive interview ti Bombo Radyo kenni Elumba, kinunana a blessed daytoy kadagiti achievements a naalana nangruna iti panakabigbigna kas maikapito a babai a topnotcher iti pakaistoryaan ti Philippine Military Academy.
Iti panagserrekna iti Philippine Military Academy, imbinglayna a ti amana, maysa a mannalon ti nagbalin nga inspirasyonna tapno iporsegena daytoy agsipud ta kinuna ni Elumba a pinanggep ti amana nga agbalin a public servant nupay kasta, saanna daytoy a natungpal gapu ta kasapulanna nga suportaran ti pamilyana.
Sigun kenni Elumba, saan a nagbalin a lapped ti panagbalinna kas maysa a babai tapno sumrek iti Philippine Military Academy gapu ta equal ti panagtrato ti akademya kadagitoy anyaman ti genderda.
Naibinglay ni Elumba a kabayatan ti panagadalna, napanunotna met ti agsardeng nangruna idi naopera daytoy adda a 3rd year daytoy ken kinunana a ti maysa a karit a napasaranna iti akademya ket ti panagbangon iti agsapa iti siudad ti Baguio.
Kabayatanna, dakkel ti panagyaman ni Elumba kadagiti nagannakna gapu iti panagsuporta dagitoy kasta met a dakkel ti panagyamananna iti Apo a namarsua iti amin a achievemnetsna kasta met ti panakipasetna iti Philippine Military Academy agsipud ta daytoy ket manmano nga oportunidad.
Kinuna pay ni Elumba a “forever grateful” daytoy iti Philippine Military Academy gapu iti panakaipaay kenkuana iti panagadal, ti panagpasayaat pay iti kapabilidadna ken tapno adda a makaserbi daytoy iti pagilian a Pilipinas.//M
