--Ads--
Naka-preposition dagiti maipaay a family food packs manipod iti DSWD kadagiti nagduduma a probinsya iti rehion Cordillera.
Iti pannakaiuman ti Bombo Radyo kenni Novella Pocding, Officer-in-Charge Division Chief ti DRMD ti DSWD Field Office- Cordillera, kinunana a dumanon iti 12,000 a family food packs ti nakasagana para kadagiti posible a maapektaran iti Tropical Depression a ni “Crising.”
Malaksid iti nasao a banag, naactivate metten ti Quick Response Team (QRT) iti regional office ken ti SWAT Offices dagitoy.
Sigun kenni Pocding, agtultuloy latta ti pannakikoordinarda iti nagduduma nga ahensia ti gobierno tapno maiyemplementar wenno maidanon ti nasao a tulong.
