Maur-uray paylaeng ti manakaipatungpal ti manamnama a divorce bill iti pagilian, kalpasan a saan pay nga inaprobaran iti Senado.
Iti panakiyuman ti Bombo Radyo kenni Guillermo Bandonil, Ex- Integrated Bar of Philippine President,Baguio-Benguet Chapter, kinunana a saan pay a maipatungpal ti nasao a gakat iti pagilian iti baet iti balligi panangaprobar iti Congress iti maikatlo a pannakaibasana.
Sigun kenni Bandonil, kasapulan a pirmaan dagiti dua a version partikular iti Congress ken Senado sakbay a maisubmitir iti presidente para iti panakaaprobar daytoy.
Apaman a saan daytoy nga penirmaan ti presidente iti las-ud ti tallo pulo nga aldaw, saan daytoyen a manamnama a maipatungpal.
Iyunay-unay iti nasao nga opisial a saan daytoy a panangdadael iti relihion no diket para iti hustisia ken naibasar iti konstitusion, no sadino maisina ti linteg ti simbaan ken iti estadu.
Mainaig iti dayta, impakaamo ni Bandonil a nalaklaka, napardas ken saan a nagastus ti divorce bill no idilig iti annulment ita iti pagilian.
No sadino, kasapulan ti doktor para iti Psychological incapacity ken dadduma pay iti annulment.
Iti baet daytoy, inaklon ni Bandonil a posible a maabuso ti nasao a gakat, apaman a maipatungpal daytoy.
Nupay kasta, inlawlawagna a nagadu dagiti pagbasaran a kasapulan a mapaneknekan, sakbay a mangipila ti agasawa iti deborsio kas iti drunk addiction, physical abuse, panangpilit nga agsukat iti relihion, agasawa a saan a nagkadkadwa iti lima wenno nasurok a tawen ken dadduma pay, isu’t gapuna a saan maabuso ti nasao a Divorce Bill.//mp4
