Guyguyuguyen ti Makabayan coalition, kaduada ti maysa a partylist, dagiti botante nga ibotosda dagiti agbalin a lider a mangipangpangruna ti pagimbagan dagiti ordinaryo a Pilipino.
Daytoy ket bayat ti global proclamation rally idiay Hongkong a napasamak idi kalman a nakipasetan ti tallo nga agngayangay para iti kinasenador.
Binabalaw met ni sigud a Bayan Muna Rep. Teddy Casiño ti panangdominar dagiti political dynasties, celebrities, hacienderos, ken dagiti nababaknang iti gobierno nga inyarigna kas maysa a “family corporation.”
Indagadagna pay kadagiti botante a kitaenda ti eleksion kas “political statement” imbes nga ay-ayam a panagpusta kadagiti posible a mangabak.
Kabayatanna, pinaregta ni sigud a Gabriela Rep. Liza Maza dagiti botante a mangsukimat kadagiti political platform dagiti kandidato.
