Inladawan ni Undersecretary Claire Castro a “lousy scripting” ti immunan nga inwaragawag ni Atty. Levi Baligod a maatap a panangideliver ti 18 a sigud a Marines ti agarup P805 Billion a gatad ti kuwarta kenni President Ferdinand “Bongbong” Marcos Jr., sigud a House Speaker Martin Romualdez, ken sigud a mammanday linteg a ni Zaldy Co.
Sigun kenni Undersecretary Castro, saan a nadalus ken inladawanna kas “lousy” wenno saanen a baro ti naratibo nga inwaragawag ni Atty. Baligod.
“Paulit-ulit na kasinungalingan laban sa Pangulo. Lousy script, hindi pang-award winning. Hindi malinis, alam mo na may kasinungalingan,” sigun kenni Palace Press Officer Claire Castro.
Nu panggep iti panangipila ti kaso kontra keni Baligod ken kadagiti Marines, dinakamat ni Undersecretary Castro nga adda kadagiti kapulisan ken National Bureau of Investigation a mang-imbestiga seknan iti panangiwaras iti “fake news”.
Innayonna pay a saan a kasapulan a mabagaan dagiti nasao nga ahensiya a mang-imbestiga iti nasao a fake news gapu ta obligasyonda dagitoy. //BomboKCS
