Pinaglibakan ti Malacañang dagiti alegasyon a tinraydor ti gobyerno ni sigud a President Rodrigo Duterte kalpasan ti panakikoordinar dagitoy iti Interpol tapno maarestar daytoy.
Sigun kenni Press officer Undersecretary Atty. Claire Castro, awan ti napasamak a panagtraydor gapu ta ar-aramiden laeng ti presidente ti pagrebengan daytoy kas dadaulo ti pagilian.
Kinuna pay ni Castro a mas narigrigat ti panangtraydor iti bukod a linteg.
Immuna met nga impeksa ni Castro a ti inaramid ti gobyerno ket regular ken maibasar iti Republic Act 9851 of the Philippine Act on Crimes Against International Humanitarian Law, Genocide, ken kadagiti daduma pay a Crimes Against Humanity.
Sigud met nga adda iti pending case iti International Criminal Court rason a nag-comply laeng dagitoy.
