Posible a maipatungpal ti mandatory evacuation kadagiti kabangibang a lugar iti Kanlaon Volcano, nangruna ta posible pay a mapasaran ti tropical cyclone kalpasan ti panagbettak daytoy.
Sigun iti Philippine Institute of Volcanology and Seismology (PHIVOLCS), agarup 4,000 tones a sulfur dioxide ti mair-iruar ti nasao a bulkan tunggal aldaw sipud bimtak daytoy.
Malaksid iti dayta, nakairekord metlaeng dagitoy iti tallo pulo a volcanic earthquakes iti uneg ti bente kuatro oras.
Nupay kasta, saan paylaeng a madetect no maipangato daytoy iti alert level 4 ngem kinuna ni PHIVOLCS chief Teresito Bacolcol nga agtaltalinaed daytoy iti alert 3 ken addaan iti posibilidad a bumtak manen daytoy.
Iti baet dayta,idagdagadagna iti kadagiti local government unit sadiay nga agbalin a naridam ken nakasagana iti kanito a maipasidong ti nasao a lugar iti alert level 4.
Kabayatanna, impasigurado metten ti gobierno a nakasagana dagitoy a mang-akomodar kadagiti evacuees ken mangipaay iti kaskenan a tulong.
