--Ads--
Impakaammo ni Interior and Local Government Secretary Jonvic Remulla nga agtultuloy ti maipatpatungpal a manhunt kontra kenni Charlie Tiu Hay Sy Ang wenno pagaammo iti nagan nga Atong Ang.
Daytoy ket kalpasan a naimatangan daytoy iti paset ti pagilian.
Sigun kenni Remmulla, dagus a nangisayangkatda iti follow-up operations kalpasan a naamuanda ti lokasyon ni Ang.
Nupay kasta, saanda a naabutan iti lokasion a saannan a dinakamat.
Maipalagip a naipaulog ti arrest warrants kontra kenni Ang ken dadduma pay nga indibidual.
Daytoy ket gapu iti pakainaiganda iti kidnapping with homicide ken serious illegal detention mainaig kadagiti mapukpukaw a sabungeros.
