Agtultuloy latta ti manhunt operation dagiti otoridad iti suspek a nangpalpaltog kadagiti dua nga state lawmakers idiay Minnesota, U.S.A.
Nabigbig ti suspek a ni Vance Boelter nga agtawen ti 57, bayat a dagiti punitiriana a biktima ket da State Representative Melissa Hortman, agtawen ti 55, maysa a Democrat ken ti asawana a ni State Senator John Hoffman nga agtawen ti 60 ken maysa metlaeng a Democrat.
Napapatay ni Joffman idiay Brooklyn Park nga asideg iti siudad ti Minneapolis.
Sigun kenni Gov. Tim Walz, ti napasamak ket “politically motivated assassination.”
Iti inisial nga imbestigasion dagiti pulis, nagpammarang kas maysa a police officer ti suspek.
Naimatangan a rimmuar ti suspek iti pagtaengan ni Hortman ken pinalpaltuganna dagiti pulis sakbay a naglibas usar ti maysa a police car.
Naduktalan dagiti pulis ti maysa a “writing” iti mapapati a lugan ti suspek a naikabilan ti listaan dagiti nagan nga agarup pito pulo.
Kaaduan a nagan ket Democrats, pakairamanan ni Minnesota lawmakers Rep. Ilhan Omar ken Sen. Tina Smith.
Iti agdama, addan ti naipatong iti ulo ti suspek a $50,000 reward para iti aniaman nga impormasion a mangitunda ti pannakatiliwna.
