--Ads--
BAGUIO CITY – Agpapaimbag iti ospital ti maysa a mannalon kalpasan a napaltoganna ti bagina bayat ti pananganopda iti bantay sadiay Sitio Mamasag, Barangay Poblacion, Lacub, Abra idi kalman.
Nabigbig daytoy a ni Marino Garcia Reyes, 22, ken residente iti nasao a lugar.
Maibasar iti inisyal nga imbestigasyon ti pulisya, nagturong ti biktima ken dagiti kakadwana iti nasao a bantay tapnu aganop.
Nakangeg laengen dagitoy iti kanalbuong ti paltog manipud iti lokasyon ti biktima sakbay a nagpaarayat gaputa napaltoganna ti kilikilina babaen iti saan pay a nabigbig ti kalibrena a paltog ken maatap nga awanan iti lisensiya.
Naitaray ti biktima iti Rural Health Unit sakbay a naiyakar iti Abra Provincial Hospital para iti medical treatment.
